Sa halip na maimbyerna, idinaan na lamang sa tawa ng aktres na si Barbie Imperial ang pagkaka-scam sa kaniya ng isang online seller, sa isang sikat na online shopping app.
Batay sa Instagram story niya, umorder daw si Barbie ng kitchen aid mixer para sana sa baking pero imbes na ganito ang matanggap niya, isang pares ng puting medyas ang laman ng kahon.
"HAHAHAHA SCAMMED. Help @lazadaph," hirit na biro na lamang ni Barbie sa kaniyang caption.
Patunay raw ito na kahit mga celebrity ay puwedeng magoyo ng scammers kaya nagsilbing paalala raw ito sa lahat, lalo na sa mga mahilig bumili online, na mas ibayong pag-iingat pa ang kailangan.
Tsika at Intriga
