Usap-usapan ang X post ng dating senate president at muling kumakandidato sa pagkasenador na si Tito Sotto III tungkol sa "old showbiz gimmick" na ginagamit daw upang kumita ng pera.
Aniya sa kaniyang X post noong Enero 9, 2025, "When you rely on an old showbiz gimmick to make money and got your facts all wrong, you will falter, for sure!"
Bagama't wala namang binanggit na espesipikong pangalan kung sino ang tinutukoy niya at maaaring sabihing para sa pangkalahatan, espekulasyon ng mga netizen ay tungkol ito sa pagsasampa ng 19 counts of cyber libel case ng kaniyang kapatid na si "Eat Bulaga" host Vic Sotto laban sa direktor ng pelikulang "The Rapists of Pepsi Paloma" na si Darryl Yap.
Saktong petsa rin ito sa pagsasampa ng kaso ni Vic kasama ang misis na si Pauleen Luna-Sotto at legal team, sa Muntinlupa Regional Trial Court (RTC), upang pormal na ihain ang demanda sa Office of the Prosecutor.
Sanya Lopez, pinatutsadahan si Barbie Forteza?
Pinalagan ni Vic ang direktang pagkakabanggit sa kaniyang pangalan sa teaser 1 ng nabanggit na pelikula, na inilabas ng kampo ni Darryl noong Enero 1.
MAKI-BALITA: Vic Sotto, sinampahan na ng kaso si Darryl Yap kaugnay ng ‘Pepsi Paloma’ movie trailer
Narito naman ang ilan sa mga reaksiyon at komento ng netizens kaugnay sa X post ni Titosen:
"I assume you have all the facts about Pepsi’s case, yeah?"
"So bakit masyado KAYONG affected ? Bakit di natin pare parehas panoorin at simulan Ang totong kwento na ngyari SI fpj nga ginawan NG pelikula o kahit Ang IBA man Ganon din bakit di natin pagbigyan Yung pera lagi nating katabi Hindi mahalaga Yung pera pero may kwenta."
"Bakit hindi mamatay ang issue na yan?"
"Its time to teach him (DY) a lesson in court."
"Tito Sen, the only karma you could only wish for people who have done you wrong is for them to meet themselves in someone else."
Samantala, wala namang tugon si Titosen sa mga kuda ng netizens sa kaniyang post.
