Masuwerteng nasolo ng taga-Negros Occidental ang halos ₱30 milyong jackpot prize ng Grand Lotto 6/55 nitong Miyerkules, Enero 8.
Ayon sa Philippine Charity Sweepstakes Office (PCSO), maiuuwi ng lone bettor ang ₱29,700,000 jackpot prize matapos mahulaan ang winning combination na 3-21-24-31-09-03.
Dagdag pa ng ahensya, nabili ang winning ticket sa Negros Occidental.
Upang makubra ang premyo, kinakailangan lamang ng lucky winner na magtungo sa punong tanggapan ng PCSO sa Mandaluyong City at iprisinta ang kaniyang lucky ticket at dalawang valid IDs.
Andas ng Jesus Nazareno, tinutulak na lang!
Mayroon lamang namang isang taon ang lucky winner, mula sa petsa ng pagbola, upang kubrahin ang kaniyang premyo. Ang lahat naman ng premyong hindi makukubra sa loob ng isang taon ay awtomatikong mapupunta sa kawanggawa.
