Trending ang pangalan ng kontrobersiyal na Kapamilya star na si Maris Racal sa X, matapos ang pagdalo sa mall show ng "Incognito" cast ngayong araw ng Martes, Enero 7.

Halos isang buwan matapos pumutok ang intriga at kontrobersiya ng "screenshots" ni Jam Villanueva, lumabas na rin sa publiko nang magkasama sina Maris at katambal na si Anthony Jennings at sumama sa fan conference o fancon ng kanilang upcoming action series na "Incognito" na mapapanood na sa Primetime Bida ng ABS-CBN at Netflix.

Sa larawang ibinahagi ni ABS-CBN showbiz news reporter Ganiel Krishnan at makikita sa ABS-CBN News, makikitang magkakasama ang cast na pinangungunahan nina Richard Gutierrez, Baron Geisler, Kaila Estrada, Ian Veneracion, at Daniel Padilla.

Makikita namang magkatabi pa sina Maris at Anthony sa larawan.

Vic Sotto sa pagsampa niya ng cyberlibel vs Darryl Yap: ‘Ako ay laban sa mga iresponsableng tao’

Ito ang unang beses na nasilayang magkasama ang dalawa matapos ang media conference ng Incognito, at lumabas na nga ang isyung pinakawalan ng ex-girlfriend ni Anthony.

Kumakalat naman sa X ang ilang video clips ng masayahing si Maris, na nakangiti pang bumati sa lahat na tila walang nangyaring isyu na talaga namang malalang pinag-usapan ng publiko.

Nang matanong ng host kung ano ang inaasahan niyang goal sa sarili na gustong ma-achieve ngayong 2025, sey niya ay "To be stronger!"

Komento pa ng mga netizen, wala raw silang pakialam sa personal issues ng MaThon, pero batay kasi sa ipinalabas na trailer ay kaabang-abang ang performance nila, lalo na ni Maris na first time sumabak sa action scenes.

KAUGNAY NA BALITA: Matapos eskandalo: Maris, Anthony bumulaga sa fancon ng Incognito