Napanalunan na nitong Linggo ng gabi, Enero 5, ang tumataginting na ₱314 milyong jackpot prize ng Ultra Lotto 6/58. Ayon sa PCSO, nabili ang winning ticket sa isang mall sa Mandaluyong!
Ayon sa PCSO, napanalunan ang ₱314,591,292.80 jackpot prize ng Ultra Lotto matapos mahulaan ng lucky winner ang winning numbers na 36-46-16-19-23-27.
Nabili raw ang ticket sa SM Megamall sa Mandaluyong City.
Upang makubra ang premyo, kinakailangan lamang ng lucky winner na magtungo sa punong tanggapan ng PCSO sa Mandaluyong City at iprisinta ang kaniyang lucky ticket at dalawang valid IDs.
Department of Migrant Workers, nagbabala sa pekeng OEC
Mayroon lamang namang isang taon ang lucky winner, mula sa petsa ng pagbola, upang kubrahin ang kaniyang premyo. Ang lahat naman ng premyong hindi makukubra sa loob ng isang taon ay awtomatikong mapupunta sa kawanggawa.
