Usap-usapan ng mga netizen ang komento ni GMA Network trivia master at TV host Kuya Kim Atienza sa isang balita patungkol sa bangkay ng lalaking walang ulo na humandusay sa tabi ng kalsada sa Negros Occidental.
Ibinalita noong Disyembre 31, 2024 ng GMA News sa kanilang official Instagram page, mababasa ang headline na "Lalaking putol ang ulo, nakitang nakahandusay sa tabi ng kalsada sa Negros Occidental.”
Sa caption naman ng balita, mababasa ang ganito: “ BABALA: Sensitibong balita”
“Bumulagta sa tabi ng kalsada ang katawan ng isang lalaki na nakahiwalay ang ulo matapos na pagtatagain umano ng dating kaaway sa Cauayan, Negros Occidental.”
Di na alam salitang love life: Piolo 13 years na palang single, bakit kaya?
Sa comment section ng post, makikita naman ang verified Instagram account ni Kuya Kim na "@kuyakim_atienza" na naglapag ng komento sa pabirong paraan.
“Anong sabi niya? Ok ok bad joke [raising hands emoji],” aniya.
Hindi naman ito pinalagpas ng mga netizen at sinita ang host ng "TikToclock" at resident trivia master ng "24 Oras."
“proud ka sa comment mo? have a little self assessment.”
“kuya kim ngayon kpa tlga nagbiro”
“Hindi na siya yun Kuya Kim na kilala natin.”
After being bashed for his comment, it was noticed that Kuya Kim had deleted his post. However, netizens continued to express negative reactions due to his actions.
“Sayang nadelete na yung insensitive comment ni tandang kim”
“napunta Dito Wala na comment ni kuya Kim”
"Dapat kay Kuya Kim tinatanggalan ng project sa GMA eh..."
"Kuya Kim ano na?"
Agad namang binura ni Kuya Kim ang nabanggit na komento subalit tila huli na dahil na-screenshot na ito ng mga netizen at pinag-usapan na sa social media platforms na "X" at "Reddit."
Isa na rito ang X alt account na "AltIndayBadiday."
“VIRAL:”
“What’s Wrong With Kuya Kim???”
“Kalokah!!!” mababasa rito.
Nakipag-ugnayan ang Balita sa talent manager ni Kuya Kim na si Noel Ferrer upang hingin ang kanilang panig tungkol sa isyu subalit wala pa silang tugon. Wala pa ring mismong tugon, reaksiyon, post, o pahayag si Kuya Kim tungkol sa isyu.
