Dead on arrival na nang isinugod sa ospital ang 23 taong gulang na lalaki matapos masabugan ng paputok sa mukha.
Kinilala ang biktima na si Cyril John Amarillo Remis, 23 taong gulang mula sa Barangay San Roque, Asturias, Cebu.
Ayon sa ulat ng Frontline Express ng News 5 nitong Miyerkules, Enero 1, 2025, sinilip daw ng biktima ang paputok na “bombshell” na sinindihan sa tabing kalsada, ngunit lingid daw kaalaman niyang hindi pa nakakaputok ang isa pang bahagi nito.
Nangyari ang aksidente sa kasagsagan ng pagsalubong sa Bagong Taon, ayon umano sa imbestigasyon ng pulisya, nagtamo rin daw ng pinsala ang dibdib ng biktima at nawalan muna ng malay bago tuluyang isinugod sa ospital.
Probinsya
