Pinugutan umano ng lalaki ang kaniyang 56-anyos na tiyuhin dahil umano sa away sa lupa noong Sabado, Disyembre 28, sa Barangay Caliling, Cauayan, Negros Occidental.
Ayon sa ulat ng Manila Bulletin, kinilala ni Police Lt. Loreto Santillan ang biktima na si Romie Dahil-Dahil.
Dagdag pa ng ulat, ipinatawag ang biktima at suspek sa barangay para pag-usapan ang kanilang alitan noong Disyembre 27.
Nabigo umano silang magkasundo at ikinagalit nito ang suspek.
Bangkay ng isang lalaki natagpuang lumulutang sa ilog
Ayon kay Santillan, sinaksak ng suspek si Dahil-Dahil sa likod gamit ang bolo dahilan para bumagsak ang biktima sa sahig at saka pinugutan umano ng ulo.
Nagawa pa raw itabi umano ng suspek ang ulo ng biktima sa mga paa nito bago tumakas.
Gayunman, naaresto ng awtoridad ang suspek na nagtatago sa isang concrete pipe sa naturang barangay. Narekober din ang ginamit sa pagpatay.
Mahaharap sa kasong pagpatay ang suspek.
