Usap-usapan ang tila planong pagdedemanda ng "defamation" ng R&B singer na si Denise Julia laban kina celebrity photographer BJ Pascual at content creator Killa Kush matapos ang kontrobersiyal na podcast ng huli, nang matanong niya si Pascual patungkol sa "worst experience" niya na kaniyang nakatrabaho sa photoshoot.
Matatandaang sa araw mismo ng Pasko, Miyerkules, Disyembre 25, nang maglabas ng serye ng screenshots si Denise sa kaniyang Instagram stories, para ilahad ang kaniyang panig tungkol sa umano'y pag-atras ng kaniyang team sa photoshoot sana sa kaniya ni BJ.
Bandang hapon ay ibinahagi ni Denise ang ipinadalang mensahe sa kaniya ni Killa, na nagpapaliwanag naman sa kaniyang panig sa naganap na podcast.
Mababasa, "In the industry for so long, I was disappointed to know you were BJ's 'worst celebrity to shoot' but I wasn't surprised. As with any episode, it's candid and raw. It's a chikahan podcast not a documentary. So I had to share my bit of experience first hand. Otherwise the exchange would be inorganic. The focus of the show was always to spark challenging conversations in a casual manner, never to shame or humiliate."
Moira Dela Torre, pinakawalan na ng management dahil sa attitude problem?
"It's truly unfortunate to see how this all unfolded but I'll always wish you the best. There was never a doubt you'd go far. Hope you're still able to enjoy the holidays," dagdag pa ng content creator.
Na-shookt naman ang netizens sa suwabeng pagtugon dito ni Denise na nagbabadya ng kaniyang susunod na hakbang.
"Thanks. I'll see you in court (kiss mark emoji)."
"Assuming youd make a tiktok out of this too, ill just add to the lawsuit. so thanks in advance. :)"
At tila unbothered naman si Killa at tumugon sa sinabi ni Denise, "No worries. merry Christmas!"
MAKI-BALITA: Suwabeng puksaan, usap-usapan; Denise Julia kay Killa Kush, 'I will see you in court!'
Ibinahagi ito ni Denise sa kaniyang X post at nilagyan naman ng caption na "lols. biglang bait."
Pagdating naman kay BJ, bagama't humingi siya ng dispensa sa photographer ay nabanggit niya ang pagkausap niya sa kaniyang legal team patungkol sa posibleng defamation lawsuit na puwede niyang maihain, matapos niyang ilatag sa X posts ang full recording ng screenshots ng naganap na negosasyon noon sa pagitan ng kaniyang manager na si John Vincent Salcedo, at manager ni BJ na si Pearl Acuesta.
"We are now in contact with our legal team about a defamation suit. I hate that this had to go this way when it didn’t have to," anang Denise.
MAKI-BALITA: Denise Julia, namaalam muna sa socmed matapos bembangin ni BJ Pascual
MAKI-BALITA: Paskong-pasko! Denise Julia may pasabog na 'screenshots' sa isyu ni BJ Pascual
Kung bibisitahin ang social media platforms ni Killa ay burado na ang nabanggit na podcast.
Samantala, wala pang tugon, reaksiyon, o pahayag ang kampo nina BJ at Killa tungkol sa isyu.
