Naloka ang komedyante, TV host, at direktor na si John "Sweet" Lapus sa isyung kinasangkutan ng R&B singer na si Denise Julia, matapos siyang pangalanan ni celebrity photographer BJ Pascual na celebrity na may "worst experience" siya pagdating sa photoshoot.
Pero ang mas nakakaloka, tila hindi kilala ni John si Denise at pinagtanong pa ito sa netizens ng social media platform na X.
"mga anak sino si Denise Julia?" X post ni John noong Disyembre 21.
Sey naman ng isang netizen, nakasama na raw ni John si Denise sa isang photoshoot kasama ang iba pang komedyante, celebrities, at social media personalities.
'Magkagalit sila?' Dennis, Ruru 'di raw nagpansinan sa set ng 'Green Bones'
Pero sansala ni Sweet, hindi raw talaga niya kilala si Denise Julia.
"sorry ha. di ko sya talaga kilala," aniya.
Sagot pa ni John sa netizen na nagsabing nakasama na niya sa cover si Denise, "Oh. 2 days shoot yan nak. Baka sa 2nd day sya. Kasi lahat ng kasabay ko sa 1st day knows ko. Yung mga hindi ko knows nagpakilala sa akin."
Matatandaang ibinuking ni BJ sa isang podcast na nag-cancel ang kampo ni Denise sa nakahanda na nilang photoshoot, at tumanggi raw na bayaran ang mga nagastos dito.
Ang mas nakasasama pa raw ng loob, ni wala raw siyang sorry na narinig mula sa team nito, o mula mismo kay Denise.
Mabuti na lamang daw at pumayag ang aktres na si Sarah Lahbati at siya ang sumalo sa nabinbing photoshoot.
KAUGNAY NA BALITA: KILALANIN: Sino si Denise Julia na inireklamo ni BJ Pascual?
MAKI-BALITA: Denise Julia, namaalam muna sa socmed matapos bembangin ni BJ Pascual
MAKI-BALITA: Sarah Lahbati, 'ganda points' sa pagsalo sa photoshoot na dinedma ni Denise Julia
