How true ang mga kumakalat na post na nagsasabing isinisikreto umano sa publiko ang pagpanaw ni Queen of All Media Kris Aquino?
Sa latest episode ng “Showbiz Updates” noong Sabado, Disyembre 21, hiningan daw ni showbiz insider Ogie Diaz ang taong malalapit kay Kris upang alam ang totoo tungkol dito.
“I asked Tita Mary Ann Opeña, isang napaka-close kay Kris Aquino, so tinawagan niya agad si Alvin, ‘yong secretary ni Kris. At natawa na lamang si Alvin. ‘Not true, Tita,’” lahad ni Ogie.
Dagdag pa niya, “Siyempre, nasa recovery stage si Kris. Sabi nga ni Tita Mary Ann, naku pagka ganiyan, hahaba lalo ang buhay ni Kris Aquino.”
Karanasan ni BJ Pascual kay Kristine Hermosa, naungkat dahil kay Denise Julia
Gayunpaman, nakiusap pa rin ang showbiz insider na tigilan ang pagpapakalat ng mga walang batayang balita sa social media.
“Dapat mag-wish nga tayo na sana ay gumaling si Kris para matupad na ang kaniyang pangarap na magkaroon ng show,” aniya.
Matatandaang sa isang Instagram post ni Kris noong Oktubre, inanunsiyo niyang sumailalim umano siya sa maraming laboratory test at negative ang resultang lumabas na may cancer siya.
Ngunit sa kabila nito, inamin pa rin ng Queen of All Media mayroon pa rin daw siyang kinatatakutan.
MAKI-BALITA: Kris, may bagong health updates; 'cancer free' pero may kinatatakutan pa rin
