Inedit ni Megastar Sharon Cuneta ang caption ng kaniyang Instagram post kung saan ibinahagi niya ang mga larawan nila ng mister na si dating senador at kandidato sa pagka-vice president na si Atty. Kiko Pangilinan, kasama sina Pangulong Ferdinand "Bongbong" Marcos, Jr. at First Lady Liza Araneta-Marcos.

Ang nabanggit na mga larawan ay kuha mula sa ginanap na "Konsyerto sa Palasyo" noong Linggo, Disyembre 15, sa sa Kalayaan Hall Grounds, Malacañang Palace, Maynila, bilang pagpupugay sa pelikulang Pilipino.

"Nothing but love…and other friends!!! (Mr. President: “Anytime you feel like it just come here!”)," paunang caption dito ng Megastar.

Pagkatapos ay inedit niya ito at nagbigay ng trivia tungkol sa pamilya Marcos, na matagal na pala niyang nakakasalamuha, simula pa noong teenager pa lamang siya, dahil ang kaniyang yumaong amang si Pablo Cuneta ay isa ring politiko.

Relasyon at Hiwalayan

Julia sa pagmamahal ni Marjorie kay Gerald: 'I really appreciate it!

Bukod dito, nagkaroon na rin siya ng bonding noon kasama ang mag-asawang PBBM at FL Liza.

"(A bit of trivia for you: The very first time I saw a disco was at 14, in Malacañang. Saw Pope Paul VI in Malacañang. Had so many merienda/dinners with The President’s Father and Mother in Malacañang as we used to campaign for them. Spent a whole afternoon and evening with the President’s parents at their home in Hawaii. Had dinner with Pres. BBM and the FL in their home in Ilocos. Madame Imelda was a Principal Sponsor at GC’s and my wedding, & it was Pres. Marcos, Sr. who stayed at our party for hours! So many memories," giit ni Sharon.

Sinabi rin ni Shawie na si PBBM daw ang favorite niyang miyembro ng pamilya Marcos.

"My favorite in their family has always been Pres. BBM.) When we arrived tonight, I got the warmest hug from the FL, like no time had passed! And then of course, the warmest, biggest hug from the President. With some side kwento, just like old times! Thank you so much again, Mr. President and Madam First Lady!," aniya pa.

Dahil sa mga larawang ito ay nakatanggap ng ilang masasakit na komento si Shawie mula sa netizens dahil alam ng lahat na si Pangilinan ay dating running mate ni dating vice president at presidential candidate Leni Robredo, na mahigpit na nakatunggali ni PBBM, noong national elections 2022.

Samantala, naglabas naman ng pahayag si Pangilinan patungkol sa mga nabanggit na larawan.

KAUGNAY NA BALITA: Mga larawan ni Sharon kasama sina PBBM at FL Liza, kinuyog ng bashers

KAUGNAY NA BALITA: Pangilinan, nagsalita na sa picture nila ni PBBM