Ikinasal na si "Eat Bulaga" host Jose Manalo sa kaniyang fiancee na si Mergene Maranan, Martes, Disyembre 17.
Ibinida ng dating Film Development Council of the Philippines (FDCP) chairperson Liza Diño ang ilang larawan mula sa kasal na ginanap sa Boracay. Kasama niya rito ang mister na si Ice Seguerra na malapit naman kay Jose dahil sa pagiging bahagi ng EB.
Matatandaang kamakailan lamang ay napabalita ang kanilang engagement.
MAKI-BALITA: 'The easiest yes!' Jose Manalo, Gene Maranan engaged na!
Pagpapakasal dahil lang sa anak, 'di bet ni Janella Salvador
Hindi naman malinaw pa kung bukod sa dalawang celebrity couple ay kung sino-sino pa ang imbitado sa kasal. Pero sa isa pang IG post ay makikitang kasama nila si Bosing Vic Sotto, na muling nagbabalik-Metro Manila Film Festival (MMFF) para sa pelikulang "The Kingdom."
Bago pa man dumating si Gene sa buhay ni Jose ay una na siyang nakasal kay Anna Lyn Santos na pumanaw noong 2022 at nagkaroon ng apat na anak.
Congrats, Jose at Gene!
