Nagbigay ng reaksiyon ang batikang showbiz columnist na si Cristy Fermin sa kumakalat na video clip kung saan makikita ang paghalik ng aktres na si Sunshine Cruz sa negosyanteng si Atong Ang.
Sa isang episode ng “Cristy Ferminute” noong Lunes, Disyembre 16, sinabi ni Cristy na hindi na raw kailangan pa ng kumpirmasyon para masabing may relasyon ang dalawa.
“Wala tayong anomang naririnig na kumpirmasyon pa mula sa kanila. Pero kailangan pa po bang i-memorize ‘yan?” saad ni Cristy.
“Saka walang masama, annulled na itong si Sunshine. At itong si Mr. Atong Ang, ang balita ko annulled na rin daw. O kung hindi man, alam ng pamilya niya ang kaniyang mga ginagawa,” wika niya.
Karanasan ni BJ Pascual kay Kristine Hermosa, naungkat dahil kay Denise Julia
Dagdag pa ng showbiz columnist, tila malinaw na raw sa naturang video kung anoman ang ugnayan ng dalawa.
Pero sa kasalukuyan, habang isinusulat ang artikulong ito, wala pang inilalabas na pahayag o reaksiyon sina Atong at Sunshine.
