Usap-usapan ang pagbalandra ni Megastar Sharon Cuneta sa mga larawan nila ng asawang si dating senador at vice presidential candidate na si Atty. Kiko Pangilinan, kasama sina Pangulong Ferdinand "Bongbong" Marcos, Jr. at First Lady Liza Araneta Marcos, sa isang event.
Makikita sa mga larawang ibinahagi ni Shawie na may larawan sila ni PBBM, at sa isa pang larawan, makikitang magkakasama silang apat.
Ibinahagi pa ng Megastar ang sinabi sa kaniya ni PBBM.
Caption ni Shawie, "Nothing but love…and other friends!!! (Mr. President: 'Anytime you feel@like it just come here!”).'"
Matapos ang pasabog: Ex ni Anthony, may cryptic post ulit!
Ang nabanggit na event kung saan nagkrus ang landas ng apat ay sa ginanap na "Konsyerto sa Palasyo," Linggo, Disyembre 15, para ipagdiwang ambag ng pelikulang Pilipino sa sining at kultura, na isinagawa sa Kalayaan Hall Grounds, Malacañang Palace, Maynila.
Umani naman ito ng iba't ibang reaksiyon at komento mula sa netizens.
"I love what I am seeing here....sana ganito lang lagi...wala nang awayan....ang sarap sa feeling...ang sarap tignan...."
"Hala anyare hahaha."
"It’s about time.. Naging colleague naman sila ni Sen. Kiko at si Dayunyor eh… Merry Christmas"
"sana hindi lang to dahil malapit na ang eleksyon....sana galing to sa puso"
Bukod dito, ibinida rin ni Mega ang larawan ng pagkikita nina dating Vice President Leni Robredo at PBBM sa Sorsogon Sports Arena noong Oktubre.
MAKI-BALITA: Sharon sa pagkikita nina Leni, PBBM: 'A step towards reconciliation!'
Si Robredo, ay running mate ng kaniyang mister na si Pangilinan, na mahigpit na kalaban naman ng UniTeam nina PBBM at Vice President Sara Duterte.
