Isa sa mga bigating stars na dumalo sa ginanap na "Konsyerto sa Palasyo" si Unkabogable Star Vice Ganda, na muling nagbabalik-Metro Manila Film Festival (MMFF) para sa pelikulang "And The Breadwinner Is..." na mapapanood na sa Disyembre 25.
MAKI-BALITA: PBBM, FL Liza pinangunahan 'Konsyerto sa Palasyo;' mga bigating artista, dumalo
Isa pa, ang mga pelikula ni Vice Ganda ay pasok sa listahan ng "highest-grossing" sa kasaysayan ng pelikulang Pilipino.
Sa pamamagitan ng ambush interview ng PTV, nahingan ng reaksiyon at pahayag si Vice Ganda patungkol sa nabanggit na concert, Linggo, Disyembre 15, na ginanap sa Kalayaan Hall Grounds, Malacañang Palace, Maynila.
Priscilla Meirelles, kinoronahan bilang Noble Queen Nations 2024
Pinangunahan ito nina Pangulong Ferdinand "Bongbong" Marcos, Jr. at First Lady Liza Araneta-Marcos.
Ayon kay Vice, na-appreciate daw niya ang hakbang ng Palasyo para sa pagbuhay sa naghihingalong industriya ng pelikulang Pilipino.
"Pero sa ngayon na-aappreciate namin ito, malaking tulong ito lalo pa't talagang naghihingalo ang pelikulang Pilipino, anumang tulong ay talagang ma-aappreciate nating lahat," aniya.
Si Vice Ganda ay isang Kakampink at tagasuporta ng Leni-Kiko tandem noong 2022 presidential elections.
Kaugnay nito, usap-usapan ang mga larawan nina Megastar Sharon Cuneta at mister na si Atty. Kiko Pangilinan kasama nina PBBM at FL Liza.
MAKI-BALITA: 'The world is healing?' Sharon, ibinida larawan kasama sina PBBM, FL Liza
Si Robredo, ay running mate ng kaniyang mister na si Pangilinan, na mahigpit na kalaban naman ng UniTeam nina PBBM at Vice President Sara Duterte.
