Tahasang binira ni dating National Task Force to End Local Communist Armed Conflict (NTF-ELCAC) spokesperson Lorraine Badoy si Sen. Imee Marcos mula sa kaniyang Facebook post na tinawag niyang “bedtime chika.”
Saad ni Badoy sa naturang FB post noong Sabado, Disyembre 14, 2024, si Sen. Imee raw ang umano’y nasa likod ng pagiging Presidente ni Pangulong Ferdinand “Bongbong” Marcos, Jr.’
“Imee Marcos is the brains behind this nightmare Marcos presidency. Even though she knew full well her brother is a drug addict and thus had zero capacity to lead our country, she manipulated then deceived Inday Sara to agree to be BBM’s running mate bec she knew he couldn’t win without Inday. He couldn’t even win the Vice presidency on his own,” ani Badoy.
Si Badoy ay isa sa mga kontrobersiyal na tagasuporta ng Duterte pamilya na kilala sa malawakan niyang red-tagging sa ilang kabataan, community organizers at iba pang personalidad na iniuugnay niya sa New People’s Army (NPA).
'Tropang angat' De Lima, Robredo, Hontiveros, reunited sa isang kasalan!
Matatandaang kamakailan lang ay inilabas ng Quezon City Regional Trial Court (RTC) Branch 306 ang kanilang desisyon at pinaboran ang kasong isinampa ni GMA news anchor Atom Araullo laban kay Badoy hinggil pa rin sa red-tagging.
KAUGNAY NA BALITA: Atom Araullo, panalo sa kasong ‘red-tagging’ vs Lorraine Badoy at Jeffrey Celiz
Samantala, diretsahan ding iginiit ni Badoy na “delusional” daw ang senadora dahil umano’y paniniwala niyang karapatan daw ng mga Marcos na makabalik at manatili sa kapangyarihan, kagaya raw ng kanilang yumaong ama na si dating Pangulong Ferdinand Marcos, Sr.
“She too is delusional and thinks the presidency is their birthright. Her sole concern is for the Marcoses to go back in power. And stay there like the dead despised dictator, her father, did,” anang dating NTF-ELCAC spokesperson.
Kaugnay nito, isinaad din ni Badoy na dapat daw ay mapaalis ang senadora sa kaniyang posisyon dahil umano sa mga kasinungalingan.
“BBM is budol man. But there is no one more manipulative, more scheming than Imee Marcos. Deceit is at the core of this family’s DNA. Lying, manipulating to them is as natural as breathing.
It is of utmost importance that we vote her out of office, this shameless Mangga who put us all in danger because she has no real love for country,” saad ni Badoy.
Wala pang inilalabas na tugon o pahayag ang kampo ni Sen. Imee hinggil sa mga pahayag ni Badoy sa kaniyang FB post.
