Tila posible raw na nagkita ang Kapamilya actors na sina McCoy De Leon at Joshua Garcia sa ginanap na ABS-CBN Christmas Special kamakailan.
Matatandaang tsinika ni showbiz insider Ogie Diaz sa isang episode ng “Showbiz Updates” na naka-MOMOL umano ni Joshua ang partner ni McCoy na si Elisse Joson.
MAKI-BALITA: Joshua, Elisse inurirat ng netizens tungkol sa pagmo-MOMOL nila
Kaya sa latest episode ng naturang showbiz-oriented vlog noong Biyernes, Disyembre 12, nausisa si Ogie tungkol sa posibleng encounter ng dalawang aktor.
Anthony Jennings, nag-promote ng pelikula; isiniwalat kung sino sinasandalan sa problema
“Alam lang natin, nandoon daw si McCoy. Nandoon daw si Joshua Garcia. At hindi rin malayo na mayro’n silang common friend na pinaglapit sila siguro, at pinag-ayos, at pinag-usap para siyempre hindi na magkaroon ng pisikalan,” saad ni Ogie.
“Ang tanong diyan, e, wala pang nanggagaling na kumpirmasyon o denial mula kay McCoy, kay Joshua, at kay Elisse Joson kung may naganap mang MOMOL-an do’n sa Star Magical Ball ng ABS-CBN noong nakaraan,” wika niya.
Dagdag pa ng showbiz insider, “So ‘yon ang hihintayin muna natin. Kasi mahirap naman baka sabihin naman nila wala naman talagang nangyari. Sino naman tayo para ipilit ‘yong source natin ‘di ba?”
Matapos tuloy lumutang ang naturang tsika, dinagsa ng mga netizen ang post nina Joshua at Elisse para tanungin kung totoo ba talaga ang nangyari sa dalawa.
MAKI-BALITA: Emilienne may alam daw tungkol sa nangyari kina Joshua, Elisse; rumesbak din kaya?
