Nabuking ang isa sa mga katangian ng SB19 member na si Stell Ajero nang maitampok ang kanilang grupo sa latest vlog ni Unkabogable Star Vice Ganda.
Sa isang bahagi ng vlog, pumatol ang grupo sa nauusong “Suspect, suspect Challenge” at unang sumalang si Stell para ilarawan ang katangian nito.
“Suspect, suspect. Pogi pero tatlong oras mag-ayos,” saad ni Justin de Dios.
Tanong tuloy ni Vice, “Ba’t ang tagal mong mag-ayos?”
Pagpapakasal dahil lang sa anak, 'di bet ni Janella Salvador
“Matagal po akong maligo,” sagot ni Stell. “Siguro mga one and a half po.”
“Iba ‘yong ‘matagal po ako sa banyo‘ sa ‘matagal akong maligo.’ Ba’t ka matagal sa banyo?” alaska pa ng Unkabogable Star.
“Marami po akong ginagawa,” natatawang sabi ni Stell.
Matatandaang bagama’t hindi malinaw kung paano nagsimula ang naturang challenge, naging popular ito sa social media platform na TikTok nitong nakaraang buwan.
MAKI-BALITA: Kinaaaliwang 'Suspect Challenge' sa socmed, paano nagsimula?
