Inggit ang ilang mga netizen sa isang lalaking nakapagtanim ng smack kiss sa makinis na pisngi ng GMA artist at "FPJ's Batang Quiapo" star na si Kim Domingo sa isang mall show sa Sultan Kudarat.
Paano ba naman kasi, pinagbigyan siya ni Kim na makahalik sa kaniya! Take note, hindi ito nakaw na halik ha!
Napag-alamang dumayo si Kim sa isang mall show sa Tacurong, Sultan Kudarat para sa isang Christmas-themed event.
Isang lalaking mall goer nga ang napapanhik sa stage at nakahalubilo pa ni Kim.
Blooms, excited na sa world tour ng BINI sa 2025
Kitang-kita naman sa reel video ng isang netizen na nagngangalang "Atch Abbie Delicana Abe" ang mga eksena kung saan makikitang kilig na kilig naman ang lalaki matapos tila naka-jackpot sa lotto dahil nahalikan ang isang maganda at seksing aktres na gaya ni Kim. Bumabad ng tatlong segundo ang mga labi ng lalaki sa pisngi ni Kim, na binilangan pa ng aktres.
Makikitang tawang-tawa naman si Kim at tila game naman sa ginawa sa kaniya ni Kuya. Maririnig naman ang hiyawan ng audience.
Narito ang ilan sa mga reaksiyon at komento ng netizens.
"Anong ggawin paguwe koya?"
"Nakuha mo inis namin ah"
"Suwerte ni Kuya hahaha"
"Ay sanaol na lang talaga hahaha."
"Parang napipilitan si Kim hahahaha"
Habang isinusulat ang artikulong ito ay umabot na sa more than 9M views ang nabanggit na reel video.
