Sang-ayon ang social media personality at artist ng Sparke GMA Artist Center na si Shuvee Etrata na nakakakilig at malakas pa rin ang dating ng Kapamilya Star na si Daniel Padilla, matapos niyang ibahagi ang mga larawan nila sa kaniyang Instagram post.
Nobyembre 27 pa inupload ni Shuvee ang mga larawan nila ni Daniel, na aniya, ay childhood idol niya.
"Thanks for making my childhood happy!" mababasa sa caption ng TikTok video. Ginamit pang background music ni Shuvee ang isa sa mga kanta ni Daniel na "Simpleng Tulad Mo."
Dinagsa naman ng mga reaksiyon at komento ang TikTok video ni Shuvee.
Karanasan ni BJ Pascual kay Kristine Hermosa, naungkat dahil kay Denise Julia
"Iba padin talaga ang dating ng isang Daniel Padilla Uncrush? Neverrrrrr. Deadma sa bashers HAHHAHAHAHAHA" komento ng isa.
Tugon naman dito ni Shuvee, "So true."
Sa mga nagkomento naman sa looks ngayon ni Daniel na malayo na raw sa dati, sinabi ni Shuvee na mas guwapo at pogi raw si DJ ngayon.
"Ba't parang may kilig iba pa rin talaga ang dating ng isang Daniel Padilla ," sey ng isa pang netizen.
"Truthfully," segunda naman ni Shuvee.
Marami naman ang nagsabi na kung ang ex-real at reel girlfriend ni Daniel na si Kapamilya Superstar Kathryn Bernardo ay nagawang i-tandem kay Kapuso Superstar Alden Richards, baka puwede rin daw ipareha si Daniel sa isang Kapuso artist na gaya ni Shuvee.
Napa-react din ng eyes emojis si Shuvee nang sabihin ng isang netizen na may chemistry sila.
Posible nga kayang magtambal sina Daniel at Shuvee in the near future at kung papayagan ng kani-kanilang mga home network? Iyan ang pakaabangan!
KAUGNAY NA BALITA: Shuvee Etrata ng Sparkle kinilig at nag-fangirl kay Daniel Padilla, pinagpiyestahan
