Ibinahagi ni Senador Bong Go ang kaniyang naging pagsama kay dating Pangulong Rodrigo Duterte sa regular medical check-up nito nitong Linggo, Disyembre 8.
Sa isang Facebook post nitong Lunes, Disyembre 9, nagbahagi si Go ng ilang mga larawan nila ni Duterte sa araw ng check-up nito.
“Health is wealth, kaya naman ngayong araw ng LingGO, December 8 kung saan ginugunita ang Feast of Immaculate Conception, sinamahan ni Senator Kuya Bong Go si Tatay Digong sa regular medical check-up nito upang masiguro ng doctor na nasa mabuting kalusugan ang dating pangulo,” nakasaad sa post ng senador.
“Kahit going 80 na ang edad ng ating Tatay Digong, hindi naman halata at parang less than 60 years old pa rin ang kanyang pakiramdam! Parang hindi pa senior citizen!” dagdag niya.
Ilang araw bago ang New Year: Bilang ng mga naputukan, pumalo na sa 69
Sinabi rin ni Go na patuloy raw niyang ipagdarasal ang kalusugan ni Duterte.
Si Duterte, 79-anyos, ang naging pangulo ng bansa mula 2016 hanggang 2022.
