Matapos masangkot sa "cheating issue" sa katambal na si Anthony Jennings at sa ex-girlfriend nitong si Jam Villanueva, muli raw hinanap at pinatugtog ng mga netizen sa music streaming app na "Spotify" ang awitin ni Maris Racal na "Ate, Sandali" na nai-release noong 2021.
Ayon sa ulat ng Fashion Pulis, inanunsyo sa X account ng "All Charts PH" na nakapasok na sa 29th spot ng Spotify ang awitin ni Maris.
Ginamit din itong background music patungkol sa memes kay Maris sa iba pang social media platforms gaya ng Facebook at TikTok.
Muli ring binalikan ng mga netizen ang music video nito na naka-upload sa kaniyang YouTube channel.
Karanasan ni BJ Pascual kay Kristine Hermosa, naungkat dahil kay Denise Julia
Umani naman ito ng iba't ibang reaksiyon at komento mula sa netizens.
"Pana panahon lang yan parang Tala ni Sarah sumikat dahil pumutok yung Taal."
"ganun talaga, maingay name niya ngayon eh"
"Mas gusto ko magviral ulit songs ni Rico kesa sa kanya.."
"Parang naback-to-you pa sa kaniya ngayon sariling kanta niya nakakaloka."
"Nawalan man ng mga endorsements at least may silver lining nman oh di ba sikat ngaun kanta mo.."
"Mag thank you ka sa bashers mo pinapasikat ka nila ngayon."
Ang sumulat ng kanta ay si Maris habang ang producer pa ng nabanggit na awitin ay kaniyang ex-boyfriend na si Rivermaya lead vocalist Rico Blanco.
