Tila mapapawi na ang pangungulila ng fans sa namayapang matinee idol na si Rico Yan sa katauhan ng pamangkin nitong si Alfy Yan.
Sa latest Instagram post ni Optimum Star Claudine Barretto kamakailan, ipinakilala nito ang pamangkin ng dati niyang katambal at ex-boyfriend.
“WHO IS HE??? Can u guess??? to all #RYCB Rico Yan fans.eto na po ang pinaka ina abangan,Pinag dadasal ng mga #RYCB the Best gift sa atin itong Pasko,” saad ni Claudine sa captio ng post kalakip ang larawan ni Alfy.
Umani ito ng samu’t saring reaksiyon mula sa mga netizen. Narito ang ilan sa kanilang mga komento:
Bretman Rock, ibinida ang Filipina Barbie Doll na likha ng Fil-Am artist
"Si alfy ang mag tutuloy na iniwan ni ry kaya pls suppot Natin para lalo mabuhay ang rycb "
"We'll support him all the way"
"I MISS RICO ALWAYS... BINABALIKAN KO LAHAT NG MGA MOVIE NNYO NI RICO,,.."
"Ate clau please guide Alfy sa showbiz"
"susunod sa yapak ni corics huhuhu naka suporta kaming rycb fans gooo alfyyy!!!"
"Omg ito na "
“Alfy Yan huhuhhuhuhu kamukhang kamukha ng Tito oooommmmgeee”
Sa kasalukuyan, bahagi si Alfy ng Viva Artist Agency.
Matatandaang nag-trending ang pangalan ni Rico sa X noong Hulyo dahil na rin sa panawagan ng ilang netizens na patahimikin na ang kaluluwa ng aktor.
MAKI-BALITA: Patay na patay sa patay? Rico Yan kino-content, patahimikin na raw
Bukod kasi sa lantarang paghahayag ng ibang netizens ng paghanga sa aktor, may ilang dumadalaw rin sa puntod nito na tila ba sila ay kamag-anak ni Rico.
MAKI-BALITA: Puntod ni Rico Yan, ginawang tourist spot
Pero ayon sa kapatid ng aktor, tila wala naman daw silang nakikitang problema sa inaastang ito ng mga sumusuporta kay Rico.
MAKI-BALITA: Kapatid ni Rico Yan, 'di ipinagbabawal pagbisita sa puntod ng aktor
