Usap-usapan ng mga netizen ang umano'y kumakalat na mga larawan ni Rivermaya lead vocalist Rico Blanco habang nagpapalagay ng tattoo sa braso.
Makikita ang mga larawan ni Rico sa isang Facebook page ng isang tattoo studio.
"Thank you @Ricoblanco for trusting ATMA Tattoo ," mababasa sa caption ng ATMA Tattoo Studio.
Ang sinasabing tattoo artist ay nagngangalang Naldy Tarrayo.
Habang si Maris namundok: Anthony, pumarty kasama ang Incognito stars
Batay sa mga ibinahaging larawan ng nabanggit na page, makikitang screenshots daw ito mula sa Instagram stories ni Rico, batay sa nakasaad sa Instagram name na "ricoblanco100" na may verified badge pa.
Sa isang larawan, makikita ang pag-flex ng tinatuan sa kaniyang braso na may nakasulat na "NO SMOKING."
Makikitang mamula-mula pa ang paligid ng tattoo, palatandaang bagong gawa pa lamang ito.
Dahil sa kainitan ng isyu ng ex-girlfriend ni Rico Blanco na si Maris Racal at katambal nitong si Anthony Jennings, hindi tuloy maiwasang isipin ng mga netizen na patutsada ito sa aktres, lalo't isa sa mga tumatak na pahayag daw ni Maris sa kumalat na screenshots ng umano'y conversation nila ni Anthony ay "smoke then fuck."
Pero may nakalagay namang disclaimer sa caption ng post sa nabanggit na Facebook page na, "Just a little joke to lighten the mood—no harm intended!"
Meaning to say, pekeng mga larawan ito ni Rico at napagkatuwaan lang!
Pero kahit na biro o gawa-gawa lamang ito, narito ang ilan sa mga reaksiyon at komento ng netizens.
"Subtle way na sagot sa 'smoke then fuck' nice one idol."
"okay I’ll Tats myself nalang"
"Wow lakas idol hahaha."
"bat pinapaiyak mo yung bata rico"
"Grabeeee hahahaha..."
"Lesson learned: I'LL JUST TOUCH MYSELF NALANG."
"That was so hot!"
"No smoke no fuck dapat yung tatto idol."
May 21k laugh reactions, 15k shares, at 474 comments na ang nabanggit na post.
As of this writing, binisita ng Balita ang Instagram account ni Rico, subalit hindi makikita sa kaniyang Instagram stories ang mga nabanggit na larawan.
Hinahangaan si Rico ng mga netizen dahil simula nang pumutok ang tungkol sa hiwalayan nila ni Maris ay nanatili siyang tahimik tungkol dito. Kahit na ngayong nasa balag ng intriga ang kaniyang ex-partner, na sangkot sa mga isiniwalat ng ex-jowa naman ni Anthony na si Jam Villanueva, patungkol umano sa kanilang "cheating."
Nagpadala naman ng mensahe ang Balita kay Rico upang tanungin ang kaniyang reaksiyon o panig kaugnay rito, subalit wala pa siyang tugon. Bukas naman ang Balita sa panig ni Rico tungkol dito.
