Nakakaloka ang mga pasabog ng tinaguriang "Pambansang Marites" na si Xian Gaza, kaugnay pa rin sa isyu ng umano'y cheating, na bagama't wala siyang direktang binabanggit na pangalan, ay espekulasyon ng mga netizen na patungkol kina Maris Racal at Anthony Jennings.
Kilala si Xian sa pag-ispluk ng mga showbiz tsika at intriga, lalo na sa kaputukan nito.
Sa pamamagitan ng kaniyang Facebook live noong Miyerkules, Disyembre 5, 2024, nasabi ni Xian na ayon sa kaniyang source, wala raw talagang alam si "Rico," na ang tawag pa niya ay "Rico J. Puno" (pangalan ng OPM singer), tungkol sa ginagawa sa kaniya ng kaniyang girlfriend na tinawag niyang "Girl Cheater."
Espekulasyon kasi ng mga netizen na kaya raw nagtapos ang relasyon ng dalawa ay dahil natuklasan daw ni Rico ang affair ng girlfriend kay "Boy Cheater" sa nagsimula raw sa paggawa ng isang serye.
Karanasan ni BJ Pascual kay Kristine Hermosa, naungkat dahil kay Denise Julia
Pero giit ni Xian, hindi raw talaga alam ni Rico ang tungkol sa namamagitan sa kaniyang ex at sa katambal nito. Sa katunayan, gusto na nga raw sanang mag-settle ni Rico subalit tila ayaw naman ni Maris.
Bagama't hindi binanggit ni Xian kung anong serye ang tinutukoy niya, at kung ipa-pattern naman ito kina Maris at Anthony, ang unang seryeng pinagsamahan nila ay "Can't Buy Me Love" na pinagbidahan nina Donny Pangilinan at Belle Mariano, o kilala sa tawag na "DonBelle."
Dito sa serye na ito nabuo ang tambalan nina Maris at Anthony na "SnoRene," halaw sa kanilang mga karakter sa serye na sina "Snoop" at "Irene Tiu" na talaga namang kinagiliwan ng marami at nag-trending pa nga.
Ispluk nga ni Xian, dito pa lang daw ay tila may nangyayari na umano sa dalawa tuwing taping, ayon sa kaniyang souce na hair and make-up artist (HMUA).
Ang termino pang ginamit ni Xian ay "pompyangan" na mula sa musical instrument na binibira, pinapalo, tinatapik, o pinagbabangga upang makalikha ng tunog. Ang iba pang mas kilalang tawag dito ay cymbals.
Sa balbal na antas ng wika, ito ay kadalasang pamalit na tawag sa pagtatalik.
“Timeline of the affair, base sa ating legit source na hair and make-up artist (HMUA), timeline. Mayroon silang series, I'm not quite sure what the series all about but what I'm sure about, pinapaikot-ikot ko lang, basta ang alam ko lang, nagshu-shoot pa lang sila may pompyangan nang nagaganap. Mayroon ng lihim na pagtatagpo na nagaganap behind Rico,” ani Xian.
“Mayroon ng mga intimacies na nagaganap outside the camera. In short sila pa ni Rico, sila pa nung ex-girlfriend, nagsisimula pa lang shoot or in the middle, may affair na. Confirmed,” dagdag pa ni Xian.
Sa isa pang Facebook post pagkatapos ng kaniyang Facebook Live ay may muli pang post si Xian, ngunit hindi niya tinukoy kung konektado pa ba ito sa kaniyang mga naunang inispluk sa Live, at idinaan sa blind item.
"Mula sa ating very credible source: Hindi daw dine-delete ang mga messages kasi pinagmamalaki daw niya sa mga kaibigan niya na kinakantot niya si celebrity girl. Trophy girlfriend kasi overwhelmed pa at ngayon lang ata naka-artista. That explains kung bakit yung mga sweet photos nila ay halos kuha lahat mula sa phone ni guy. Kakatawag lang sa akin kasi napanood daw yung Live ko. Friend siya nung isang friend ni guy. Napasahan daw siya ng mga intimate photos nila sa isang Telegram GC na puro lalaki. Kaya pala hindi nagde-delete. Gets ko na ngayon," mababasa.
Samantala, wala pang tugon, reaksiyon, o pahayag ang kampo nina Maris at Anthony patungkol sa expose ni Xian.
KAUGNAY NA BALITA: Pasabog ni Xian Gaza: Rico, literal na 'blangko' raw sa panloloko ni Maris!
