"Tine-treasure ata every moment."
Ito ang saad ng social media personality na si Xian Gaza kaugnay sa mga resibong inilabas ni Jam Villanueva tungkol sa "landian" na pag-uusap ng ex-boyfriend nito na si Anthony Jennings at katambal nitong si Maris Racal.
Sa isang Facebook post, sinabi ni Gaza na may lesson daw na mapupulot sa issue nina Maris at Anthony.
Namash-up din? Ate Gay, sinabihang 'RIP'
"Ang lesson na mapupulot natin sa Maris Anthony issue: Yang partner mo, kesyo lalaki pa yan o babae, nagchi-cheat din yan. Pramis," anang social media personality.
Dagdag pa niya, "Ang kaibahan lang eh magaling siyang magtago at mabilis mag-delete ng mga convo kagaya ni Maris."
Sa comment section sinabi rin ni Gaza na kaya raw nahuli si Anthony dahil hindi raw ito nagde-delete ng convo.
"Si Anthony hindi nagde-delete eh. Tine-treasure ata every moment. Ayan tuloy," aniya.
Kasunod nito tila nagpayo pa siya sa mga netizen na mag-delete ng conversation history.
"Pagka-send na pagka-send ng message, delete dapat agad buong history."
Matatandaang bahagi ng screenshot na inilabas ni Villanueva, makikita na sinabi umano ni Maris kay Anthony na baka puwede na sila mag-delete ng messages.
"Can we delete msgs. Screenshots [?]," saad umano ni Maris.
"...Yes hate ko delete pero sige," sagot naman umano ni Anthony.
"Ako rin but gets mo ba," pabalik na reply umano ni Maris.
