Usap-usapan ang mga larawang ibinahagi ni Ultimate Multimedia Star Toni Gonzaga-Soriano kasama ang dating ABS-CBN President na si Charo Santos-Concio, matapos ang kanilang lunch meeting.
Bukod sa kanilang dalawa, makikita rin sa larawan ang mister ni Toni na si Direk Paul Soriano.
Saad sa caption ng post, "Missed you, Ma'am Charo Santos! Great meeting and lunch with you."
Clueless naman ang mga netizen kung tungkol saan ang pagkikita ng dalawa, subalit espekulasyon ng mga netizen, mukhang tungkol daw ito sa posibleng pagbabalik ni Toni sa ABS-CBN, na nilisan niya noong 2022 dahil sa mga "ingay" at "gulo" kaugnay ng kampanya para sa 2022 presidential elections.
Anthony Jennings, hindi raw nag-delete ng convo kaya nahuli sey ni Xian Gaza
May mga nagsabi pang in fairness daw, nakaka-miss mapanood si Toni sa Kapamilya Network, lalo na sa pagho-host ng "Pinoy Big Brother."
Narito ang ilan sa mga reaksiyon at komento ng netizens:
"It's a comeback na ba????"
"Balik-Kapamilya na ba?"
"Mukhang may sinusuyong bumalik na ah..."
"Baka iaadopt na ni abs ung Toni talks vlog nya .charrizz I can’t wait to see her hosting again sa abs cbn kung babalik sya"
"I pray for toni comeback to kapamilya."
"Aminin natin, iba talaga ang hosting skills ni Toni lalo na sa PBB."
Samantala, wala pang tugon, reaksiyon, o pahayag ang kampo nina Toni at Charo patungkol dito.
