Ibinahagi ng Kapuso Sparkle Artist na si Elijah Alejo ang nakakatakot na insidenteng naranasan niya pagpasok niya sa paaralan.
Sa kaniyang TikTok video noong Huwebes, Nobyembre 28, sinabi niyang naholdap daw siya pagkababa niya sa sinakyan niyang motor taxi.
Ayon sa kaniya, “Naholdap ako kaninang madaling araw. 5:30 a.m. ang call time namin sa campus since may tree planting kami ngayon. Late ako nagising tapos masama pa ang pakiramdam ni mommy so nag-motor taxi ako. “
“Supposedly, pagkarating namin doon sa campus doon ako magpapababa sa loob. Pero nagpapadagdag si kuya rider [ng bayad] kaya hindi na ako pumayag," dugtong pa ni Elijah.
Kobe Paras, bet kainin luto ni Kyline sa Pasko
Wala na raw nagawa pa ang aktres kaya bumaba na lang siya sa sidewalk malapit sa pinapasukan niyang school. Ngunit laking gulat daw niya nang may nanutok daw sa kaniyang matulis na bagay habang naglalakad.
“Biglang may tumutok sa tagiliran ko and it's something matulis. Sinabihan ako ibigay ko 'yong wallet ko,” lahad niya.
Dagdag pa ni Elijah, "Binigay ko na lang 'yong wallet ko. Thank, God, I'm safe. Ang problem lang is walang CCTV sa area."
Sa huli, pinaalalahanan ng aktres ang bawat isa na mag-ingat sa paglalakad at pagko-commute.
