Tahasang sinagot ni Vice President Sara Duterte ang umano’y umuugong na pagpapatalsik sa kaniya sa pamamagitan ng impeachment trial.
Sa press conference nitong Miyerkules, Nobyembre 27, 2024 sinabi ng Bise Presidente na mekanismo lang daw ng pamahalaan ang impeachment sa kaniya upang makapasayang lang daw ito ng pera.
“They can always try mag-impeachment. They can always try gumastos at mag-waldas ng pera ng gobyerno para i-impeach ang Vice President,” ani VP Sara.
Dagdag pa niya, tila ginagawa lang daw siyang panakip-butas ng gobyerno upang mapagtakpan daw ang mga pangako nito at pagkukulang sa taumbayan, kung kaya’y siya raw ang binabalingan.
Magjowang ikakasal na ngayong taong, patay matapos maaksidente
“Kung 'yan ba naman ang gusto nila. Magwaldas nang magwaldas ng pera at pagtakpan nang pagtakpan ang kakulangan at pagsisinungaling ng administrasyon para lang hindi mapansin ng mga tao na marami ang mga pangako ang napako ay babantan at babanatan nila ako,” anang Pangalawang Pangulo.
Matatandaang kamakailan lang ay binanggit na rin ni VP Sara na ginagawa raw siyang “punching bag” ng administrasyon ni Pangulong Ferdinand “Bongbong” Marcos upang hindi raw mapansin ng taumbayan ang lahat ng kalokohan ng kasalukuyang rehime.
KAUGNAY NA BALITA: Giit ni VP Sara, ginawa raw siyang 'punching bag' ng gobyerno para pagtakpan umano ang 'kalokohan' nito
Samantala, hinggil naman sa tuluyang pagpapa-impeach sa kaniya, diretsahan ding sinagot ni VP Sara na iyon na raw ang magiging katapusan ng kaniyang administrasyon kung sakali mang mapatalsik siya.
“They can try, and then we will see diba? If I get impeached, then that's my end, tapos,” anang Pangalawang Pangulo.
Umuugong ang mga balita hinggil sa paghahain daw ng impeachment kay VP Sara matapos ang pagbabanta niya sa buhay nina PBBM at mga akusasyon nito sa liderato ng Kamara.
KAUGNAY NA BALITA: Sagad na ang pasensya? VP Sara pinagmumura sina PBBM, FL Liza, Romualdez
KAUGNAY NA BALITA: 'It's a concern about my death!' VP Sara, may nilinaw sa ‘banta’ niya vs PBBM
