Tila walang paglagyan ang sayang naramdaman ni BINI member Aiah Arceta matapos ang tagumpay ng kanilang tatlong gabing Grand BINIverse concert.
Sa latest Instagram post ni Aiah nitong Miyerkules, Nobyembre 27, inihayag niya ang kaniyang pasasalamat sa lahat ng naglaan ng oras at pagmamahal sa nasabing event.
“Thank you Lord for the gift of love It wouldn’t have been a success if it weren’t for the love and tremendous effort that everyone invested in this,” saad ni Aiah.
Dagdag pa niya, “I can feel all the love put in by the Bini girls, the management, the rest of the team, the supporters, our families, and our friends.”
Anak ni Maxine Medina, nabinyagan na!
Kaya naman, tila hindi naramdaman ni Aiah na bahagi ng kaniyang trabaho ang pagtatanghal dahil ang tatlong gabing concert ay puno ng saya at pagmamahal.
Aniya, “It was 3 nights full of joy and love, just like the spirit of Christmas. It felt more like I attended a 3 hour Christmas party for 3 days rather than just performing as part of our job. That’s how much fun I had.”
Sa huli, umaasa naman si Aiah na magkikita-kita ulit sila ng Blooms, fans ng BINI, sa susunod nilang concert sa darating na Pebrero 2025.
