Napili ni singer-actress Angeline Quinto na magbihis bilang si Songbird Supreme Mariah Carey sa naganap na Star Magical Christmas 2024 nitong Linggo ng gabi, Nobyembre 24, ngunit tila inokray ito ng mga netizens.
Sa taunang Star Magical Christmas ng Star Magic na this time ay ginanap sa Solaire Resort North, Quezon City, agaw-pansin si Quinto dahil sa panggagaya nga sa kumanta ng "All I Want For Christmas Is You.”
Sa eksklusibong panayam ng ABS-CBN News, ibinahagi ni Quinto ang kaniyang paghahanda sa pag-aayos bilang si Mariah Carey na umabot raw sa higit tatlong oras sa pagbuo.
Ayon kay Quinto, ito ang unang pagkakataon niyang dumalo sa nasabing event dahil abala siya sa pagiging ina noong mga nakaraang taon.
Darryl Yap, may buwelta sa mga nagsasabing sinayang si ex-VP Leni
“First time ko maka-attend ng Star Magical Christmas kasi nung mga nakaraan, baby pa yung first baby ko so hindi ako naka-attend," said Quinto. "Sabi ko, mag-effort naman tayo kahit papano!” aniya.
Para makamit ang kaniyang transformation, kinuha niya raw ang serbisyo ng drag queen na si Viñas DeLuxe, na kilala sa panggagaya kay Mariah Carey.
“Kinontak ko yung isang friend ko na nagda-drag... sabi ko, baka kaya mo naman ako make-upan! Siya na rin gumawa ng hair, so ito yung naging look!” kuwento niya.
Ibinahagi rin ng singer na maging ang mga boss ng Star Magic ay tila nagulat daw sa kaniyang bagong anyo.
“Parang ang tagal nila akong tignan. Tapos ‘pag nagsalita na ako, ‘Direk! Si Angeline ‘to!’” aniya na may halong biro.
Nagbiro pa si Quinto na sayang at hindi siya nakasali noon sa segment na "Kalokalike" ng It's Showtime.
“Sa Kalokalike, sayang, ‘di ako umabot. May nanalo na!" saad niya.
Pero ang ilang netizens, tila hindi nakita si Mariah kay Angeline kundi ang social media personality na si Madam Inutz.
Si Madam Inutz (Daisy Lopez) ay isang online seller na sumikat dahil sa kaniyang masigla at nakakatawang paraan ng pagbebenta pagbebenta sa Facebook Live.
Narito ang ilan sa mga reaksiyon mula sa netizens tungkol sa transformation ni Angeline Quinto bilang Mariah Carey:
“Tama nga si Vice Ganda..kmukha niya si Madam Inutz”
“Mariah di Kineri”
“Madam Allan K d nio po kami maloloko ikaw po talaga tong nag Mariah hehehe charizzz”
“Mariah karekare charrrr love it angge”
“Napasubran yata ang biking soda.”
“At first glance, I thought she was Michael V. impersonating an icon”
“Parang pinaghalong Mariah Carey at si Vandolph Quizon”
“Mariah keri ba today ?”
"Mariah di Kineri"
Sa kasalukuyan, ang post ay may 10k reacts, 692 comments at 238 shares na.
Samantala, wala pang reaksiyon o komento si Angeline patungkol sa pang-ookray sa kaniya ng mga netizens sa kaniyang looks.
Mariah Ang
