Inihayag ng Philippine Atmospheric, Geophysical and Astronomical Services Administration (PAGASA) nitong Lunes, Nobyembre 25, na ang northeast monsoon o amihan at Intertropical Convergence Zone (ITCZ) pa rin ang nakaaapekto sa malaking bahagi ng bansa.
Sa tala ng PAGASA kaninang 4:00 ng madaling araw, inaasahang makararanas ng maulap na kalangitan na may mga kalat-kalat na pag-ulan at thunderstorms ang Mindanao dahil sa ITCZ o ang linya kung saan nagtatagpo ang hangin mula sa northern at southern hemispheres.
Inaasahan namang magdudulot ang amihan ng maulap na kalangitan na may kasamang mga pag-ulan sa Batanes, Cagayan, at Apayao.
Posibleng raw ang pagbaha o pagguho ng lupa sa mga nasabing lugar tuwing magkakaroon ng katamtaman hanggang malalakas na pag-ulan.
Samantala, inaasahan ang medyo maulap hanggang sa maulap na kalangitan na may kasamang isolated rainshowers o thunderstorms sa Metro Manila at mga natitirang bahagi ng bansa dahil naman sa localized thunderstorms.
PNP, susunod sa kautusan ng DOJ na ipatupad arrest warrant ng ICC vs Sen. Bato
Posible rin ang pagbaha o pagguho ng lupa sa mga nasabing lugar tuwing magkakaroon ng malalakas na thunderstorms.
Sa kasalukuyan ay wala namang namamataan ang PAGASA na anumang low pressure area (LPA) o bagyo sa loob o labas ng Philippine area of responsibility (PAR).
