Usap-usapan ng mga netizen ang umano'y pagsigaw ng "Boo!" ng concert audience kina Sen. Robin Padilla at all-male group na "BGYO" sa pagpapasalamat ng Nation's female group na "BINI" na nanood ng kanilang three-day concert sa Smart Araneta Coliseum sa Quezon City.
Sa TikTok video ng isang netizen na nagngangalang "Camille," makikita ang BINI members na sina Aiah at Stacey na pinasasalamatan ang mga celebrity na nanood at nagpakita ng suporta sa kanilang major concert.
Nang mabanggit daw ang pangalan nina Padilla at BGYO ay humiyaw daw ng "Boo!" ang audience.
Ito naman ang naging usap-usapan ng mga netizen sa comment section ng nabanggit na TikTok video.
Ken Chan, pinagbawalan na raw magsalita ng kaniyang legal team?
Hindi naman malaman ang dahilan kung bakit sumigaw ng boo ang audience nang mabanggit ang pangalan ng senador at ng BGYO. Pinakinggan ng Balita ang TikTok video subalit hindi naman malinaw kung boo nga ang isinigaw ng audience.
Samantala, wala pang reaksiyon, tugon, o pahayag sina Sen. Padilla at ang BGYO tungkol dito. Bukas ang Balita sa kanilang panig.
