Nasasabik na ang fans ni Miss Universe Philippines 2023 at Kapuso artist Michelle Marquez Dee sa posibilidad na muli siyang magbalik sa pageant scenes, this time, sa Miss Grand International (MGI) 2025.
Tila hinuhulaan ng mga netizen na may balak ngang rumampa ulit ni MMD sa beauty pageant, na sa pagkakataong ito, sa MGI nga.
Pinagbatayan ng mga netizen ang ilang social media posts ni Dee, na nagpapahiwatig na tila naiisip niyang bumalik sa pagsali sa beauty pageant.
"what if..." sabi niya sa kaniyang X post noong Nobyembre 18.
Charo Santos, 'high' pa rin matapos mapanood ang BINI concert
"Never say never," segunda pa niya.
Lalo raw umigting ang espekulasyong baka sasali si MMD sa MGI nang pusuan daw ni Nawat Itsaragrisil, founder ng MGI, ang kaniyang social media posts na nagpapahiwatig tungkol dito.
Marami rin ang humihimok na netizens kay Michelle na subukin at huwag "ibangko" ang kaniyang rampa at sumali ulit.
"Okay lang ba hilingin na sumali ka sa Miss Grand? Ems "
"I am looking forward to seeing U, MMD"
"totoo ba ang chismis Miss Grand 2025??? "
"Push na Yan,will always support you DEEYONCE "
Pero ang tanong, kakasa nga ba si Michelle? Iyan ang malalaman natin sa mga susunod na araw.
Samantala, wala pang tiyak na reaksiyon, tugon, o pahayag si MMD tungkol dito.
