Isang kasaysayan ang naitala ng “Hello, Love, Again” ni Direk Cathy Garcia-Sampana matapos nitong makaposisyon bilang ikawalo sa 10 pelikulang may pinakamalaking kita sa Amerika ngayong linggo.
Sa ulat ng Deadline nitong Linggo, Nobyembre 17, kumita umano ang nasabing pelikula ng $2.4M sa unang linggo nito.
“That’s an awesome opening record for a Filipino movie beating the entire gross of the Dante Bosco romcom, The Debut ($1.7M) from 2000,” saad sa ulat.
Dagdag pa ng Deadline: “It’s also the widest ever for a Filipino feature. ‘Hello, Love, Again’ also had the highest theater average of the weekend at $9.7K.”
'Throwback Thursday' ni Joross sa cast ng HLA, pinusuan ng netizens
Matatandaang sa unang araw pa lang ng pagpapalabas ng “Hello, Love, Again” sa Pilipinas ay kumita na agad ito ng ₱85M.
MAKI-BALITA: Hello, Love, Again, kumita ng ₱85M sa unang araw!
Ang nasabing pelikula ay sequel ng “Hello, Love Goodbye” noong 2019 na pinagbidahan nina Outstanding Asian Star Kathryn Bernardo at Asia’s Multimedia Star Alden Richards.
