Bigo mang maiuwi ang korona sa 73rd Miss Universe, isang karangalan naman ang naigawad kay Miss Philippines Chelsea Manalo bilang Miss Universe Asia, sa press conference na isinagawa matapos ang coronation night, nitong Linggo, Nobyembre 17, 2024 (araw sa Pilipinas).
Isa is Chelsea sa mga kumumpleto ng “Four Continental Queens” ng Miss Universe kasama sina Miss Nigeria bilang Miss Universe Africa and Oceania, Miss Finland bilang Miss Universe Europe and Middle East at Miss Peru bilang Miss Universe Americas.
Nakatakdang makatuwang ni Miss Universe 2024 Victoria Theilvig ng Denmark ang apat na Continental Queens sa pagsusulong na mga adbokasiya ng Miss Universe Organization sa nabanggit na mga kontinente.
Matatandaang maagang nagpaalam sa naturang kompetisyon si Chelsea na nakapasok sa top 30 ngunit bigong makakuha ng puwesto sa top 12 ng naturang kompetisyon.
Pampalubag-loob? Catriona Gray, ayaw patahimikin ng pageant fans
KAUGNAY NA BALITA: Chelsea Manalo, pasok sa Top 30 ng 73rd Miss Universe 2024
KAUGNAY NA BALITA: Chelsea Manalo, napatanong matapos 'di makapasok sa Top 12
Kate Garcia
