Tila kapuwa hindi nakapagtimpi sina San Miguel Beermen Guard Jericho Cruz at P.League+ club Taoyuan Center Alec Brown sa fourth quarter ng tapatan ng kanilang koponan para sa PBA- East Asia Super League (EASL) nitong Miyerkules, Nobyembre 13, 2024.
Nahinto sa 6:34 ang fourth quarter ng Beermen-Taoyuan match-up matapos magkainitian sina Cruz at Brown na muntik mauwi sa suntukan.
Tuluyang siniko ni Brown si Cruz dahil sa umano’y pamimisikal nito, na siyang nagdulot upang bahagyang magkagulo ang dalawang koponan upang awatin ang dalawang naturang manlalaro.
Personal at technical foul naman ang inihatol kay Brown habang hindi rin nakaligtas si Quincy Miller ng Beermeen na nakatanggap ng unsportsmanlike foul matapos niyang makisalo kina Cruz.
Karl Eldrew Yulo, pamilya raw pinakamagandang regalong natanggap
Samantala, matapos masiko ni Cruz, mistulang tuluyang na-elbow na nga sa laro si Cruz matapos siyang patawan ng ejection ng liga.
Hindi na nakadikit at bigong maisara ng Beermen ang kalamangan ng Taoyuan na pumutok mula pa sa second quarter kung saan napako sila 28-13.Nagtapos sa 101-85 ang laban nang umarangkada ang Taoyuan sa last quarter at tinambakan ang beermen.
KATE GARCIA
