Nausisa si “Face To Face” host Korina Sanchez kung bakit hindi niya sinusubukang kumandidato upang makapasok sa politika.
Sa isang episode ng “Cristy Ferminute” nitong Lunes, Nobyembre 11, sinabi ni Korina na minsan na raw siyang kinumbinse ng mister niyang si Mar Roxas.
“Minsan na akong tinanong ni Mar niyan. ‘Tumakbo ka kaya?’ Sabi ko, saan? ‘Pwede namang sa Capiz. Gano’n.’ Sabi ko, pwede,” lahad ni Korina.
“Mula 19 anyos ako hanggang ngayon, alam ng tao ang boses ko. Alam ng tao ang ginawa ko, ‘yong my body of works. ‘Yong alam naman nilang ipaglalaban ko sila,” wika niya.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Dagdag pa ng broadcast-journalist: “Pero pagsawaan ko na lang muna ‘tong TV. Kasi kaya ko rin tinanggap itong ‘Face To Face’ because it is a format I’ve never done before.”
At sa palagay ni Korina, kapag natapos daw ang tungkulin niya sa nasabing tabloid talk show baka raw pwede na niyang pag-isipan ang pagsabak sa politika.
