Napa-OMG na lang sa tuwa ang pambato ng Pilipinas sa Miss Universe 2024 na si Chelsea Manalo matapos siyang makakuha ng suporta mula sa TV host, producer, model, businesswoman, at philantropist na si Tyra Banks.
Proud na ibinahagi ni Chelsea sa kaniyang Instagram story ang komento ni Tyra sa kaniyang Instagram post na "Get it, girl!!!!!" na tumutukoy sa korona ng Miss Universe.
"OMG!!!!!!!!!!!" text caption dito ni Chelsea mula sa Bulacan.
Bukod dito, napag-alaman din ni Chelsea na naka-follow sa kaniyang Instagram account si Tyra.
Rampapayag kaya? Michelle Dee hinihiritang sumali sa Miss Grand International 2025
Si Tyra ay nakilala bilang isa sa mga pinakamatagumpay na "woman of color" sa industriya ng fashion at modelling, at siya ang naging kauna-unahang African-American na lumabas sa pabalat ng Sports Illustrated Swimsuit Issue at GQ.
Bukod sa pagmomodelo, naging host at producer siya ng sikat na reality show na "America’s Next Top Model," na tumulong sa maraming aspiring models na pasukin ang fashion industry.
Naging host din siya ng The Tyra Banks Show at nagkaroon ng iba pang TV at film projects. Si Tyra Banks ay isa ring entrepreneur, na nagtatag ng sarili niyang cosmetics line na tinatawag na TYRA Beauty.
Inaasahang tututok na naman ang mga Pilipino sa magiging laban ni Chelsea sa Mexico sa darating na Nobyembre 17.
