Itinaas na sa Signal No. 3 ang dalawang lugar sa Luzon dahil sa Severe Tropical Storm Nika na bumagal ang pagkilos habang nasa Philippine Sea sa silangan ng Aurora, ayon sa 8 PM update ng Philippine Atmospheric, Geophysical and Astronomical Services Administration (PAGASA) ngayong Linggo, Nobyembre 10.
Sa tala ng PAGASA, huling namataan ang sentro ng bagyong Nika 335 kilometro ang layo sa silangan hilagang-silangan ng Infanta, Quezon o 330 kilometro ang layo sa silangan ng Baler, Aurora.
Taglay nito ang lakas ng hanging aabot sa 110 kilometers per hour malapit sa sentro at pagbugsong aabot sa 135 kilometers per hour.
Kumikilos ito pa-west northwest sa bilis na 15 kilometers per hour.
Agusan del Sur, nilindol ng magnitude 5.3
Dahil dito, itinaas na sa Tropical Cyclone Wind Signals ang mga sumusunod na lugar sa Luzon:
Signal No. 3:
Southeastern portion ng Isabela (Dinapigue, Palanan)
Northern portion ng Aurora (Dilasag, Casiguran, Dinalungan)
Signal No. 2:
Southern portion ng Ilocos Norte (Nueva Era, Solsona, Dingras, Marcos, Banna, City of Batac, Pinili, Paoay, Currimao, Badoc, Carasi, Piddig, Sarrat, San Nicolas, Laoag City)
Ilocos Sur
La Union
Northeastern portion ng Pangasinan (San Nicolas, Natividad, San Quintin, Sison, San Manuel, Umingan, Tayug)
Central portion ng Aurora (Dipaculao, Maria Aurora, Baler)
Southern portion ng mainland Cagayan (Solana, Iguig, Peñablanca, Tuguegarao City, Enrile, Baggao, Alcala, Amulung, Santo Niño, Rizal, Piat, Tuao, Gattaran, Lasam)
Mga natitirang bahagi ng Isabela
Quirino
Nueva Vizcaya
Southern portion ng Apayao (Kabugao, Conner, Flora, Pudtol, Calanasan)
Abra
Kalinga
Mountain Province
Ifugao
Benguet
Northern portion ng Nueva Ecija (Carranglan, Pantabangan, Lupao, San Jose City)
Signal No. 1:
Metro Manila
Mga natitirang bahagi ng Cagayan kabilang na ang Babuyan Islands
Mga natitirang bahagi ng Apayao
Mga natitirang bahagi ng Ilocos Norte
Mga natitirang bahagi ng Pangasinan
Mga natitirang bahagi ng Aurora
Tarlac
Northern at central portions ng Zambales (Santa Cruz, Candelaria, Masinloc, Palauig, Iba, Botolan, Cabangan, San Marcelino, San Felipe, San Narciso)
Mga natitirang bahagi ng Nueva Ecija
Pampanga
Bulacan
Rizal
Eastern portion ng Laguna (Santa Maria, Mabitac, Pakil, Pangil, Famy, Siniloan, Paete, Kalayaan, Cavinti, Lumban, Luisiana, Santa Cruz, Magdalena, Pagsanjan, Majayjay, Liliw, Nagcarlan, Pila, Victoria)
Eastern portion ng Quezon (Calauag, Guinayangan, Tagkawayan, Pitogo, San Andres, Buenavista, San Francisco, Pagbilao, Infanta, Lopez, Catanauan, Mulanay, Unisan, General Luna, Plaridel, Quezon, Alabat, Sampaloc, Padre Burgos, Macalelon, Mauban, Perez, Agdangan, Gumaca, Atimonan, Real, San Narciso, General Nakar, Lucban, City of Tayabas, Lucena City) kabilang na ang Polillo Islands
Camarines Norte
Camarines Sur
Catanduanes
Northeastern portion ng Albay (Malinao, Tiwi, Bacacay, City of Tabaco, Malilipot, Rapu-Rapu)
Base sa forecast track ng PAGASA, kikilos ang bagyong Nika pa-west northwest sa buong forecast period, at posible itong mag-landfall sa Isabela o northern Aurora bukas, Lunes, ng umaga o bago magtanghali, Nobyembre 11.
Inaasahang itataas sa “typhoon” category ang bagyo ngayong Linggo. Posible naman itong panandaliang humina dahil sa pagbaybay nito sa kalupaan ng Luzon dahil sa land interaction, ngunit maaaring muling lumakas sa West Philippine Sea (WPS).
Posibleng lumabas ng Philippine area of responsibility (PAR) ang bagyo sa Martes ng tanghali, Nobyembre 12.
