Itinaas na sa Signal No. 2 ang walong mga lugar sa Luzon dahil sa Severe Tropical Storm Nika na napanatili lakas habang kumikilos pakanluran sa silangan ng Infanta, Quezon, ayon sa 11 AM update ng Philippine Atmospheric, Geophysical and Astronomical Services Administration (PAGASA) ngayong Linggo, Nobyembre 10.
Sa tala ng PAGASA kaninang 11 ng umaga, huling namataan ang sentro ng bagyong Nika 500 kilometro ang layo sa silangan ng Infanta, Quezon.
Taglay nito ang lakas ng hanging aabot sa 100 kilometers per hour malapit sa sentro at pagbugsong aabot sa 125 kilometers per hour.
Kumikilos ito pakanluran sa bilis na 30 kilometers per hour.
Bulkang Kanlaon, alert level 3 pa rin!
Dahil dito, itinaas na sa Tropical Cyclone Wind Signals ang mga sumusunod na lugar sa Luzon.
Signal No. 2:
Northern at central portions ng Aurora (Dilasag, Casiguran, Dinalungan, Dipaculao, Maria Aurora, Baler)
Isabela
Quirino
Southern portion ng Cagayan (Solana, Iguig, Peñablanca, Tuguegarao City, Enrile)
Nueva Vizcaya
Kalinga
Mountain Province
Ifugao
Signal No. 1:
Northern portion ng Metro Manila (City of Navotas, City of Valenzuela, City of Malabon, Caloocan City, City of Marikina, City of Pasig, Quezon City)
Mga natitirang bahagi ng Cagayan kabilang na ang Babuyan Islands
Apayao
Abra
Ilocos Norte
Ilocos Sur
Eastern at central portions ng Pangasinan (San Nicolas, Tayug, Natividad, San Quintin, Umingan, Basista, Villasis, Malasiqui, San Fabian, Urbiztondo, Bautista, Mangaldan, Mapandan, Rosales, Dagupan City, Binalonan, Aguilar, Alcala, San Manuel, Asingan, Santo Tomas, Pozorrubio, Santa Maria, City of Urdaneta, Laoac, Mangatarem, San Carlos City, Manaoag, Binmaley, San Jacinto, Bayambang, Calasiao, Santa Barbara, Balungao, Sison, Lingayen, Bugallon, Labrador)
La Union
Benguet
Mga natitirang bahagi ng Aurora
Tarlac
Nueva Ecija
Pampanga
Bulacan
Rizal
Northeastern portion ng Laguna (Santa Maria, Mabitac, Pakil, Pangil, Famy, Siniloan, Paete, Kalayaan, Cavinti, Lumban, Luisiana)
Eastern portion ng Quezon (Calauag, Guinayangan, Tagkawayan, Pitogo, San Andres, Buenavista, San Francisco, Pagbilao, Infanta, Lopez, Catanauan, Mulanay, Unisan, General Luna, Plaridel, Quezon, Alabat, Sampaloc, Padre Burgos, Macalelon, Mauban, Perez, Agdangan, Gumaca, Atimonan, Real, San Narciso, General Nakar, Lucban, City of Tayabas, Lucena City) kabilang na ang Polillo Islands
Camarines Norte
Camarines Sur
Catanduanes
Albay (Malinao, Tiwi, Bacacay, City of Tabaco, Malilipot, Rapu-Rapu)
Base sa forecast track ng PAGASA, kikilos ang bagyong Nika pa-west northwest sa buong forecast period, at posible itong mag-landfall sa Isabela o Aurora sa bukas, Lunes, ng umaga o bago magtanghali, Nobyembre 11.
Inaasahang itataas sa “typhoon” category ang bagyo ngayong Linggo. Posible naman itong panandaliang humina dahil sa pagbaybay nito sa kalupaan ng Luzon, ngunit maaaring muling lumakas sa West Philippine Sea (WPS).
Posibleng lumabas ng Philippine area of responsibility (PAR) ang bagyo sa Martes ng tanghali o gabi, Nobyembre 12.
