Tila hindi raw na-enjoy nang bongga ni Kapamilya star Joshua Garcia ang pagbabakasyon nito sa Siargao kamakailan.
Sa latest episode ng “Showbiz Updates” kamakailan, itinampok ni showbiz insider Ogie Diaz ang mga video clip kung saan makikita ang ginawang pagdumog ng mga tao kay Joshua sa nasabing lugar.
“Hindi ko alam kung na-enjoy ni Joshua ang pagsi-Siargao kasi lahat ng tao [ay] nalaman yata na nando’n sa Siargao si Joshua. Kaya naman, lahat nagpa-picture,” saad ni Ogie.
“Aba, e, tuwang-tuwa namang in-entertain ni Joshua Garcia, ano. Pero siyempre sasabihin ng iba, ‘wow ang bait ni Joshua.’ Mabait naman talaga si Joshua,” wika niya.
Negosasyon sa renewal ng It's Showtime sa GMA, pinoproseso na!
Kaso nga lang, ayon sa showbiz insider, inaasahan daw ng isang celebrity na tulad ni Joshua na pahinga ang mga ganitong pagkakataon.
Sabi tuloy ng co-host ni Ogie na si Mama Loi, sana na-enjoy talaga ng aktor na bakasyon niya sa Siargao. Pero in fairness naman daw sa ibang fans na nagpapaalam muna sa kanilang idol bago magpa-picture.
