Hustisya ang ipinanawagan ng Animal Kingdom Foundation (AKF) sa sinapit ng isang rescued cat sa Talisay City, Cebu.
Ayon sa opisyal na Facebook post ng AKF nitong Miyerkules, Nobyembre 6, 2024, pinatay ang alagang pusa na si Menggay gamit ang dos por dos na maka-ilang ulit umanong ipinalo rito.
“Menggay, a beloved rescue cat, was brutally killed by a neighbor. Menggay was repeatedly struck with a 2x2 wood as the horrified witness was left traumatized and crying in the aftermath of the senseless killing,” anang AKF.
Dagdag pa ng naturang post, nahagip daw sa CCTV ang karumal-dumal na sinapit ni Menggay sa kamay ng kapitbahay ng pamilyang kumupkop sa pusa.
Asong may malaking tumor sa ulo, nangangailangan ng tulong
“Animals and children should never be subjected to violence, but a CCTV footage now bears witness to the loss of Menggay's life…,” saad pa ng AKF.
Samantala, kinumpirma din ng AKF na may naisampa na raw na kaso hinggil sa sinapit ni Menggay sa kamay ng suspek, at muli silang nanawagan sa mas pagpapaigiting ng batas tungkol sa animal cruelty.
Kate Garcia
