Trending sa X ang pangalan ng dating ABS-CBN star at Careless artist na si Liza Soberano matapos ibahagi ni Thai superstar Bright Vachirawit ang larawan ng patikim niya sa music video ng awiting "Long Showers."
Si Liza nga ang partner dito ni Bright kung saan naiibang Liza ang makikita sa photo na ibinahagi ni Bright mula sa kanilang behind-the-scenes.
Ang sexy kasi ni Liza rito na mukhang kagagaling lang sa "long shower" kasama si Bright. Isa na ito sa mga pa-sexy image ni Liza simula nang "kumawala" na siya sa pa-sweet image.
Umani naman ito ng iba't ibang reaksiyon at komento mula sa netizens.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"Wow! Bright with Liza"
"The excitement is getting to me"
"Can't wait!"
"Excited na ako"
Sa kasalukuyan, mina-manage na ang international career ni Liza ng American record label and entertainment agency na Transparent Arts, na binuo ng hip hop group na Far East Movement, na nagtatampok sa American at Asian artists. Sila rin ang dahilan kung bakit napasama sa Hollywood movie na "Lisa Frankenstein" na pinagbidahan nina Kathryn Newton at Cole Sprouse.
Mapapanood ang full music video ng "Long Showers" sa Nobyembre 5.
