Lumulutang umano ang quote cards ng ex-celebrity couple na sina Kit Thompson at Ana Jalandoni kung saan mababasa roon ang tungkol sa pagbabalikan nilang dalawa
Sa latest episode ng “Showbiz Updates” nitong Martes, Oktubre 29, kinilatis ni showbiz insider Ogie Diaz ang tungkol sa nasabing quote cards.
“Tinanong ko si Ana Jalandoni through IG. At tinanong ko nga kung nagkabalikan na sila. Fake news daw ‘yan,” saad ni Ogie.
“Wala raw siyang gano’ng sinasabi. Wala siyang gano’ng quote. Tapos gawa-gawa lang daw ‘yon ng mga tao. Kung hindi manira, gumawa ng kuwento para lang may mapag-usapan,” wika niya.
Negosasyon sa renewal ng It's Showtime sa GMA, pinoproseso na!
Dagdag pa ng showbiz insider: “Pero tinanong ko kung friends na ba kayo ni Kit, sabi lang niya, hindi na kami nag-uusap.”
Matatandaang naging usap-usapan noong 2022 ang ex-celebrity couple dahil sa isyu ng pambubugbog.
MAKI-BALITA: Sexy starlet Ana Jalandoni, binugbog, ikinulong umano ng jowang si Kit Thompson
