Napag-usapan ang tungkol sa mainit na pagniniig nina Kapuso stars Sanya Lopez at Alden Richards sa historical-drama series na “Pulang Araw” ng GMA Network.
Sa latest episode ng “Fast Talk with Boy Abunda” nitong Martes, Oktubre 29, ibinahagi ni Sanya ang kuwento sa likod ng nasabing eksena.
“You had that love scene with Alden, gaano ka-hot ‘yon?” usisa ni Boy.
“Parang sobrang hot,” natatawang sagot ni Sanya. “Sa totoo po niyan, dalawang beses po naming ginawa ‘yon, Tito Boy. ‘Yon ‘yong first namin na gano’n ‘yong scene.
Halik ni Alden Richards, pasado kay Sanya Lopez?
“Tapos, Tito Boy, ‘yong una kasi no’n, ‘yong original nakadamit kami, Tito Boy. Tapos parang sinabi nila since nga po sa Netflix nila ilalabas naman, kumuha sila no’ng talagang topless. Pero may cover naman po kami,” wika ng aktres.
Dagdag pa niya: “Because nag-go si Alden, go rin po ako that time. Pero hiyang-hiya talaga ako no’n kay Alden kaya ang ginawa ko no’ng time na ‘yon, tinanong ko siya kung mayro’n na ba siyang mga ganito eksenang nagawa.”
Pag-amin ni Sanya, medyo nakakakaba raw talaga ang ginawa nilang eksena. Pero in fairness daw kay Alden, iningatan daw siya nito.
Matatandaang umani ng samu’t saring reaksiyon mula sa mga netizen ang umano’y mala-digmaang eksena nina Sanya at Alden sa “Pulang Araw.”
MAKI-BALITA: Kilig sa pagniniig: Alden at Sanya may 'digmaan' daw sa stock room
