Napanalunan ng lone bettor ang mahigit ₱300 milyong jackpot prize ng Ultra Lotto 6/58 nitong Linggo ng gabi, Oktubre 27.
Matagumpay na nahulaan ng lone bettor ang winning combination na 07-24-13-16-10-02 kung kaya't napanalunan niya ang ₱321,384,493.20 na premyo.
Upang makubra ang premyo, kinakailangan lamang ng lucky winner na magtungo sa punong tanggapan ng PCSO sa Mandaluyong City at iprisinta ang kaniyang lucky ticket at dalawang valid IDs.
Mayroon lamang namang isang taon ang lucky winner, mula sa petsa ng pagbola, upang kubrahin ang kaniyang premyo. Ang lahat naman ng premyong hindi makukubra sa loob ng isang taon ay awtomatikong mapupunta sa kawanggawa.
Sen. Bong Go, pinakiusapan si Sen. Imee na pagkasunduin muli sina PBBM, VP Sara
Nagpaalala rin ang PCSO na alinsunod sa TRAIN Law, ang lahat ng premyong lampas ng ₱10,000 ay papatawan ng 20% tax.
Samantala, wala namang nanalo sa Super Lotto 6/49 na may winning numbers na 31-42-14-28-37-44 at premyong ₱15,840,000.00.
