Usap-usapan ang naging banat na biro ni Unkabogable Star Vice Ganda patungkol sa pinausong all-female group ng "It's Showtime" na GirlTrends, lalo na ang trending na video nila kung saan makikita ang hindi nila pagkakasabay-sabay sa pagsayaw.
Naglaro ang "It's Showtime" host sa Saturday episode, Oktubre 26, sa pamamagitan ng pa-throwback sa ilang mga di-malilimutang segments ng show na kailangan nilang hulaan.
Ipinakita naman ang nakakalokang trending video ng grupo na hiniritan naman ni Vice.
"GirlTrends talaga ang original endorser ng UniTeam," sey ni Vice na ikinatawa naman ang madlang people at co-hosts.
Negosasyon sa renewal ng It's Showtime sa GMA, pinoproseso na!
"Hindi sila nagkasundo-sundo diyan," sundot pa ng host.
Matatandaang ang UniTeam ay ang tawag sa slate nina President Ferdinand "Bongbong" Marcos, Jr. at Vice President Sara Duterte noong May 2022 national elections.
Sa kasalukuyan ay tila nagkaroon ng "falling out" sa pagitan ng dalawang dating running mates dahil sa ilang mga isyung politikal at hindi pagkakasundo-sundo sa pamamalakad.
Samantala, wala pang tugon, reaksiyon, o pahayag sina PBBM o VP Sara tungkol sa hirit ng komedyante.
MAKI-BALITA: VP Sara, hindi 'isang kaibigan' si PBBM; nagkakilala lang dahil sa eleksyon
MAKI-BALITA: PBBM, inakala raw na magkaibigan talaga sila ni VP Sara: ‘Maybe I was deceived’
