Ibinahagi ng tinaguriang "Dyosa" ng showbiz na si Anne Curtis ang pinakatumatak niyang core memory sa “It’s Showtime” bilang isa sa mga host nito.
Sa isang episode ng nasabing noontime show nitong Huwebes, Oktubre 24, emosyunal niyang sinabi na halos dito na raw siya lumaki.
“There is so much. I grew up on this show alongside my ‘Showtime’ family. From being single to getting a boyfriend; to getting married, and having a child. Performing ‘Magpasikat’ na buntis na hindi alam ng aking ‘Showtime’ family,” saad ni Anne.
“But I think the one that always stick the most is siyempre the very first episode of ‘Showtime.’ We came in here on stage na ang dami nating doubts. Tatagal ba tayo?” wika niya.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Dagdag pa niya: “Who would’ve known that from a simple pre-noontime show, we would be here on stage and performing for the madlang people, changing people lives with the help of ABS-CBN for 15 years. And that for me is the solid core memory that continues to create core memories.”
Kaya naman sa huli ay pinasalamatan ni Anne ang kaniyang buong “Showtime” family na patuloy ibinibigay ang buong puso para sa kanilang trabaho.
Binanggit ni Anne ang lahat ng ito matapos ang kanilang “Magpasikat” performance na bahagi ng 15th anniversary ng nasabing noontime show.
Sa taong ito, ka-team ni Anne ang mga kapuwa niya host na sina Jugs Jugueta at Teddy Corpuz kasama ang nation’s girl group na BINI bilang guest performer.
